AC Milan ka vendosur të bëjë ndryshime drastike pas një sezoni të konsideruar dështim nga drejtuesit e klubit. Pas moskualifikimit në Champions League, klubi italian ka ndërprerë bashkëpunimin me trajnerin Massimiliano Allegri, drejtorin sportiv Igli Tare, CEO-n Giorgio Furlani dhe Geoffrey Moncada.
Vendimi vjen pas një fundsezoni zhgënjyes, ku Milani nuk arriti objektivin kryesor, edhe pse për një pjesë të madhe të kampionatit ishte në zonën e kreut dhe në garë për titull.
Allegri e drejtoi skuadrën në 42 ndeshje gjatë këtij edicioni, por rezultatet e dobëta në fund ndikuan në vlerësimin negativ të sezonit.
Tashmë te Milani pritet një riorganizim i plotë për sezonin e ri, me ndryshime të mëdha si në stol, ashtu edhe në strukturat drejtuese të klubit.
