Drita ka mësuar kundërshtarin për raundin e parë kualifikues të UEFA Champions League. Kampionia e Kosovës do të përballet me skuadrën lituaneze Kauno Žalgiris, pas shortit të hedhur të martën në selinë e UEFA-s në Nyon. (UEFA.com)
Gjilanasit do ta nisin aventurën evropiane ndaj kampionit të Lituanisë, me synimin për të siguruar kalimin në raundin e dytë kualifikues të garës më prestigjioze për klube në Evropë.
Sipas kalendarit të UEFA-s, ndeshjet e para të raundit të parë kualifikues do të zhvillohen më 7 ose 8 korrik, ndërsa takimet e kthimit janë planifikuar për 14 ose 15 korrik. Datat dhe oraret zyrtare do të konfirmohen nga UEFA në ditët në vijim.
Për Dritën, kjo përballje paraqet një sfidë të rëndësishme në rrugëtimin evropian, ndërsa kampionët e Kosovës synojnë të hedhin një hap të madh drejt fazave të mëtejshme të UEFA Champions League.
