Ernest Muçi po shndërrohet gjithnjë e më shumë në pikën kyçe të lojës së Trabzonsporit, ndërsa klubi turk ka marrë vendim ta mbajë sulmuesin shqiptar edhe pas përfundimit të sezonit.
Sipas mediave turke, drejtuesit e Trabzonsporit kanë vendosur të aktivizojnë klauzolën e blerjes për kartonin e Muçit, por njëkohësisht po punojnë për të ulur shumën përfundimtare të transferimit nga Beşiktaş, e cila aktualisht llogaritet rreth 8 milionë euro.
Forma e shkëlqyer e 23-vjeçarit, me gola dhe asiste të rregullta, si dhe paraqitjet vendimtare në Kupën e Turqisë, kanë rritur ndjeshëm besimin e stafit teknik dhe drejtuesve të klubit ndaj tij.
Brenda Trabzonsporit, Muçi po shihet gjithnjë e më shumë si lojtari rreth të cilit ndërtohen aksionet ofensivë, ndërsa planet për vazhdimësinë e sezonit dhe projektin e ardhshëm po orientohen rreth tij.
Të gjitha sinjalet tregojnë se e ardhmja e Ernest Muçit pritet të jetë në Trabzon, me klubin që synon ta kthejë atë në një nga figurat kryesore të skuadrës.
