Atletico Madrid ka siguruar një vend në gjysmëfinalen e Ligës së Kampionëve, duke eliminuar Barcelonën në një përballje të mbushur me emocione dhe tension deri në sekondat e fundit.
Skuadra e drejtuar nga Diego Simeone arriti të menaxhojë avantazhin nga ndeshja e parë, pavarësisht humbjes 1-2 në shtëpi ndaj katalanasve në sfidën e kthimit të zhvilluar në Madrid.
Barcelona hyri në këtë takim me besim për përmbysje, duke kaluar në avantazh që në minutat e para me Lamine Yamal, ndërsa Ferran Torres dyfishoi rezultatin poashtu në pjesën e parë. Megjithatë, Atletico reagoi në pjesën e dytë me golin e Lukman, që mbajti gjallë shpresat e vendasve.
Momenti vendimtar erdhi në minutat shtesë, ku Ronald Araujo tentoi një goditje spektakolare, por pa sukses, ndërsa një ndërhyrje e VAR-it ndikoi në fatin e përballjes, duke vulosur eliminimin e Barcelonës.
