Trajneri i Rubin Kazan, Frank Artiga, ka folur me vlerësime maksimale për sulmuesin e kombëtares së Kosovës, Mirlind Daku, duke e cilësuar atë si sulmuesin më të mirë të kampionatit rus.
Në prononcimin e tij për mediat, Artiga theksoi rëndësinë që Daku ka për skuadrën, duke nënvizuar se klubi ndihet me fat që e ka në përbërje.
“Mirlind Daku është sulmuesi më i mirë i kampionatit rus dhe ne jemi me fat që e kemi në ekip”, u shpreh trajneri spanjoll.
Aktualisht, Daku ende nuk ka nisur fazën përgatitore me ekipin, pasi po riaftësohet nga disa probleme fizike. Megjithatë, sipas stafit teknik, rikthimi i tij në stërvitje pritet javën e ardhshme, çka është një lajm pozitiv për Rubin Kazan.
Prania e Dakut është kyçe për objektivat e klubit në sezonin e ri, teksa rikthimi i tij i plotë pritet të forcojë ndjeshëm repartin ofensiv të skuadrës.
