Mbrojtësi i Dritës, Egzon Bejtullai, ka marrë ftesë nga Maqedonia e Veriut për grumbullimin e radhës të përfaqësueses.
Futbollisti 30-vjeçar është përfshirë në listën e trajnerit të kombëtares maqedonase për ndeshjet e ardhshme ndërkombëtare, duke u shpërblyer kështu për paraqitjet e tij të mira me skuadrën gjilanase në Superligën e Kosovës.
Bejtullai ka qenë një nga shtyllat e repartit defensiv të Dritës këtë sezon, duke kontribuar me përvojën dhe stabilitetin e tij në mbrojtje. Performancat e tij të qëndrueshme kanë tërhequr vëmendjen e stafit të përfaqësueses së Maqedonisë së Veriut, që ka vendosur ta përfshijë në listën e lojtarëve për ndeshjet e radhës.
Ftesa për mbrojtësin e Dritës konsiderohet një vlerësim për formën e tij aktuale, por edhe një tjetër dëshmi se futbollistët që luajnë në kampionatin kosovar po vazhdojnë të fitojnë hapësirë edhe në arenën ndërkombëtare
