Klubi turk Galatasaray raportohet se i ka bërë një ofertë spektakolare këngëtares me origjinë shqiptare, Dua Lipa, për të performuar në festën e titullit kampion.
Sipas raportimeve, oferta arrin në 2 milionë euro për interpretimin e katër këngëve në ceremoninë madhështore që pritet të organizohet në Stamboll.
Ftesa nuk shihet vetëm si lëvizje marketingu, por edhe si një lidhje simbolike me rrënjët shqiptare të klubit. Galatasaray u themelua nga Ali Sami Yen, djali i rilindësit shqiptar Sami Frashëri, dhe kjo histori vazhdon të mbetet pjesë e identitetit të klubit turk.
Nëse Dua Lipa pranon ofertën, festa e Galatasarayt pritet të marrë vëmendje botërore, duke bashkuar muzikën, futbollin dhe historinë shqiptare në një spektakël unik.
