Klubi i basketbollit GO+ Peja ka njoftuar për mbajtjen e mbledhjes së përgjithshme, gjatë së cilës janë marrë vendime të rëndësishme lidhur me strukturën drejtuese të klubit.
Presidenti i klubit, Fatmir Gashi, së bashku me zëvendëspresidentin Egzon Burri, kanë përcaktuar bordin e përkohshëm drejtues, i cili do të funksionojë deri në muajin qershor. Në këtë periudhë pritet të mbahet edhe kuvendi i rregullt, ku do të zgjidhet kryesia me mandat të plotë.
Në përbërje të bordit të përkohshëm janë emëruar:
Valbona Bytyqi – ish-basketbolliste
Vigan Radoni – ish-basketbollist
Milaim Ukaj – ish-basketbollist
Arbër Berisha
Agon Abdyli
Po ashtu, klubi ka njoftuar se në pozitën e Drejtorit Sportiv është emëruar Arbër Elshani, ndërsa Ervin Muharremi është rikthyer në rolin e tij në administratën e klubit.
Këto ndryshime synojnë stabilizimin dhe forcimin e strukturës organizative të klubit në prag të sfidave të ardhshme sportive.
