FC Barcelona ka konfirmuar zyrtarisht dëmtimin e talentit të saj, Lamine Yamal, duke dhënë detaje për gjendjen e tij fizike pas testeve mjekësore të kryera gjatë orëve të fundit.
Sipas komunikatës së klubit katalanas, 18-vjeçari ka pësuar një dëmtim në pjesën e pasme të kofshës së majtë, një problem që do ta mbajë jashtë fushave për disa javë. Si pasojë, Yamal nuk do të jetë në dispozicion për ndeshjet e mbetura të sezonit në La Liga.
Barcelona ka bërë të ditur se lojtari do të ndjekë një trajtim konservativ, me stafin mjekësor që synon rikuperimin e plotë pa rrezikuar përkeqësimin e gjendjes. Koha e parashikuar e mungesës është rreth një muaj, çka praktikisht e mbyll sezonin për të në kampionatin spanjoll.
Megjithatë, lajmi pozitiv është se Yamal pritet të rikuperohet në kohë për angazhimet me përfaqësuesen në Kupa e Botës, duke shmangur një mungesë më të gjatë që do të kishte pasoja më serioze për karrierën e tij.
Dëmtimi i Yamal vjen në një moment kur ai po kalonte një formë të shkëlqyer dhe kishte fituar një rol të rëndësishëm në formacionin e Barcelonës, duke u shndërruar në një nga lojtarët më premtues të futbollit evropian.
