Marc Márquez triumfoi në garën sprint të vlefshme për Çmimin e Madh të Spanjës në MotoGP, në një garë të mbushur me kaos dhe rrëzime në pistën e Jerez de la Frontera.
Shiu i papritur katër xhiro para fundit ndryshoi totalisht rrjedhën e garës, duke nxjerrë jashtë loje disa prej pretendentëve kryesorë për fitore.
Francesco Bagnaia përfundoi në vendin e dytë, ndërsa podiumin e kompletoi Franco Morbidelli me motorin VR46.
Pista e lagur shkaktoi rrëzimin e liderit të kampionatit Marco Bezzecchi, si dhe të Jorge Martín dhe Álex Márquez, duke krijuar një fund dramatik në Jerez.
Edhe pas garës pati polemika për fitoren e Marquezit, por drejtuesit e garës nuk ndryshuan rezultatin final. Pavarësisht garës së dobët për Aprilian, Bezzecchi dhe Martin vazhdojnë të mbajnë dy vendet e para në renditjen e përgjithshme, të ndarë vetëm nga katër pikë.
