KFF Mitrovica është shpallur zyrtarisht kampione e Kosovës në Siguria Superligën e Femrave për sezonin 2025/26, duke kurorëzuar edhe një tjetër edicion të jashtëzakonshëm.
Skuadra mitrovicase arriti të sigurojë titullin e shtatë kampion në historinë e klubit, duke konfirmuar vazhdimësinë, organizimin dhe dominimin në elitën e futbollit të femrave në Kosovë.
Me këtë sukses, KFF Mitrovica siguron njëkohësisht edhe pjesëmarrjen në garat evropiane, ku do të përfaqësojë futbollin kosovar në arenën ndërkombëtare.
Klubi nga Mitrovica ka qenë prej vitesh forca kryesore në futbollin e femrave në vend, ndërsa edhe këtë sezon tregoi stabilitet dhe superioritet ndaj rivalëve në kampionat.
Festimet e futbollisteve dhe stafit erdhën menjëherë pas konfirmimit të titullit, duke mbyllur një sezon tjetër historik për klubin mitrovicas.
