Më 07 dhe 08 shkurt 2026, në Paris të Francës, do të zhvillohet Paris Grand Slam 2026, një nga garat më prestigjioze të xhudos në kalendarin ndërkombëtar.
Ky turne madhor do të mbledhë 499 garues nga 80 shtete dhe 6 kontinente, duke u ndjekur çdo vit nga mijëra shikues dhe duke shërbyer si një arenë e rëndësishme për përballje të nivelit më të lartë botëror.
Kosova do të përfaqësohet me gjashtë xhudistë, të cilët do të garojnë në kategori të ndryshme peshash:
-
Erza Muminoviq (-48 kg)
-
Distria Krasniqi (-52 kg)
-
Fatjona Kasapi (-52 kg)
-
Flaka Loxha (-57 kg)
-
Laura Fazliu (-63 kg)
-
Akil Gjakova (-73 kg)
Ekipi i Kosovës do të udhëhiqet nga Kryemjeshtri Driton Kuka, ndërsa në stafin teknik do të jetë edhe trajnerja Majlinda Kelmendi, kampione olimpike dhe një nga figurat më të mëdha të xhudos kosovare.
Pjesëmarrja në Paris Grand Slam paraqet një tjetër mundësi të rëndësishme për xhudistët kosovarë për të testuar formën, për të fituar pikë të vlefshme ndërkombëtare dhe për të vazhduar traditën e sukseseve të xhudos së Kosovës në arenën botërore.
