Nedim Bajrami tregoi sërish klasën e tij në Premiershipin skocez, duke ndikuar në mënyrë vendimtare në përmbysjen e rezultatit për Rangers në transfertën ndaj Livingston, që përfundoi 2-2.
Pa u aktivizuar sulmuesi i Kombëtares së Kosovës, Rangers po gjendej në disavantazh 0-2, duke rrezikuar një humbje surprizë. Sidoqoftë, loja mori një tjetër rrjedhë sapo Bajrami hyri në minutën e 79-të. Vetëm dy minuta më pas, shqiptari asistoi për Emmanuel Fernandez, i cili shënoi golin e parë për Rangers dhe ndezi shpresat e skuadrës.
Vetëm shtatë minuta më vonë, Moore shënoi golin e dytë për Rangers, duke vulosur përmbysjen dhe duke siguruar një pikë të rëndësishme për ekipin e drejtuar nga Danny Rohl.
Pas 28 javësh në kampionat, Rangers qëndrojnë në vendin e dytë me 56 pikë, katër më pak se liderët e Hearts. Rikthimi i Bajramit ishte i pritshëm, pas një periudhe të vështirë për shkak të problemeve fizike, dhe paraqitja e tij tregoi se është përsëri një lojtar kyç për skuadrën.
