Mesfushori shqiptar Medon Berisha ka kaluar me sukses ndërhyrjen kirurgjikale, pas dëmtimit që pësoi gjatë aktivizimit me Lecce.
Lëndimi i pësuar rezultoi më serioz sesa ishte parashikuar fillimisht, duke bërë të domosdoshëm operimin dhe duke shtyrë rikthimin e tij në fushën e lojës. Megjithatë, lajmet e fundit janë pozitive, pasi vetë lojtari ka konfirmuar se gjithçka ka shkuar sipas planit.
Përmes një postimi në rrjetet sociale, Medon Berisha ka ndarë me ndjekësit gjendjen e tij dhe ka falënderuar të gjithë ata që e mbështetën gjatë kësaj periudhe:
“Operimi shkoi shumë mirë. Falënderues për të gjithë që e bënë të mundur. Një falënderim i veçantë për Dr.Lasse Lempainen dhe ekipin e tij për punën e bërë, për Dr.Francesco Nuccio që erdhi me mua dhe familjes së Lecce që më qëndruan pranë”.
“Faleminderit të gjithëve për mesazhet. Shihemi së shpejti”
