Derbi i zjarrtë i Anamoravës ka prodhuar fituesin e radhës – dhe këtë herë buzëqesh FC Drita.
Skuadra nga Gjilani triumfoi në përballjen ndaj rivalit të përbetuar SC Gjilani me rezultat minimal 0-1, në një ndeshje të fortë dhe me shumë rivalitet, ku vendimtare rezultoi vetëm një moment.
Heroi i takimit ishte Veton Tusha, i cili realizoi golin e vetëm dhe të artë të sfidës, duke i dhënë ekipit të tij tre pikë jetike në garën për titull.
Me këtë fitore, Drita rikthehet në vendin e parë të tabelës në Superliga e Kosovës me 48 pikë, duke konfirmuar ambiciet për kampionatin. Në anën tjetër, Gjilani pëson një goditje në renditje, duke zbritur në pozitën e pestë me 39 pikë.
