Neymar Jr po vazhdon të tregojë formë të mirë dhe ambicie të madhe për t’u rikthyer në skenën më të madhe të futbollit botëror – Kupa e Botës FIFA 2026.
Ylli brazilian ishte protagonist në fitoren e Santos, duke realizuar një asist spektakolar nga distanca për bashkëlojtarin Thaciano.
Me paraqitjet e fundit, Neymar duket se po synon t’i dërgojë një mesazh të qartë trajnerit Carlo Ancelotti, duke shpresuar në një ftesë për përfaqësuesen e Brazilit për Botërorin e ardhshëm.
Në këtë ndeshje, Santosi arriti një fitore të rëndësishme 2-0 ndaj Remo, ndërsa aktualisht renditet në pozitën e 13-të në kampionatin brazilian.
Forma në rritje e Neymarit po rikthen shpresat për rikthimin e tij në nivelet më të larta, në një moment kur Brazili po kërkon të ndërtojë një skuadër konkurruese për sfidat e ardhshme.
