Premier League vazhdon të konfirmojë dominimin absolut në futbollin europian, pasi për sezonin e ardhshëm do të ketë plot nëntë skuadra pjesëmarrëse në garat e UEFA-s, një rekord historik për futbollin anglez.
Asnjë kampionat tjetër europian nuk do të ketë një përfaqësim kaq të madh në kompeticionet kontinentale, duke dëshmuar fuqinë financiare, nivelin konkurrues dhe vazhdimësinë e klubeve angleze në arenën ndërkombëtare.
Pesë skuadra angleze kanë siguruar pjesëmarrjen në UEFA Champions League: Arsenal, Manchester City, Manchester United, Liverpool dhe Aston Villa, kjo e fundit pasi triumfoi në UEFA Europa League.
Ndërkohë, në UEFA Europa League do të garojnë edhe tre skuadra të tjera angleze: Bournemouth, Sunderland dhe Crystal Palace, të cilat synojnë të vazhdojnë suksesin e klubeve angleze në Evropë.
Përveç tyre, Brighton & Hove Albion do të marrë pjesë në play-offin e UEFA Conference League, me objektivin për të siguruar fazën e grupeve.
Ky rekord historik vjen pas një sezoni të jashtëzakonshëm të klubeve angleze në garat europiane, ku rezultatet pozitive kanë ndikuar drejtpërdrejt në rritjen e koeficientit të Anglisë në UEFA. Dominimi anglez është bërë edhe më i dukshëm vitet e fundit, me skuadrat e Premierligës që jo vetëm arrijnë vazhdimisht në fazat finale, por edhe fitojnë trofe të rëndësishëm kontinentalë.
Tani mbetet të shihet nëse kjo superfuqi e futbollit anglez do të vazhdojë të dominojë edhe sezonin e ardhshëm europian, ku pritshmëritë për klubet e Premier League janë më të larta se kurrë.
