Paris Saint-Germain ka fituar titullin kampion në Francë për herë të 14-të në histori, duke vazhduar dominimin absolut në futbollin francez.
Skuadra e drejtuar nga Luis Enrique siguroi matematikisht trofeun pas fitores 2-0 në transfertë ndaj RC Lens, në javën e 29-të të Ligue 1.
Golin e parë për parisienët e realizoi Khvicha Kvaratskhelia në minutën e 29-të, ndërsa vendasit tentuan të riktheheshin në pjesën e dytë. Megjithatë, PSG vulosi triumfin në minutat shtesë me golin e Mbaye.
Ky është titulli i pestë radhazi për klubin parisien, i cili vazhdon të dominojë kampionatin francez vitet e fundit.
Pas sigurimit të Ligue 1, PSG tashmë do të përqendrohet te finalja e UEFA Champions League, aty ku synon të kurorëzojë sezonin me trofeun më të rëndësishëm europian.
