Një tjetër debat i tensionuar ka shpërthyer mes Mateos dhe Brikenës, pas vendimit të kësaj të fundit për ta çuar Mateon në nominim, veprim që ka shkaktuar pakënaqësi dhe reagime të forta nga ana e tij.
Gjatë përplasjes verbale, dy banorët u ndalën te një puthje e supozuar, për të cilën Mateo këmbëngul se ka ndodhur mes tyre, ndërsa Brikena e mohon kategorikisht.
“Je ti që më nxjerr mashtrues për një puthje që ka ndodhë”, u shpreh Mateo, duke insistuar në versionin e tij të ngjarjes.
Nga ana tjetër, Brikena u shfaq e vendosur dhe e palëkundur në qëndrimin e saj, duke theksuar se mes tyre nuk ka pasur asnjë puthje dhe se pretendimet e Mateos janë të pavërteta.
“Një mashkull si duhet, edhe nëse ka ndodhur diçka, vjen dhe e thotë hapur. Por ti e di shumë mirë që s’ka ndodhur asgjë. Puthja nuk ka ndodhur, mos gënje në këtë gjë, o Mateo”, iu përgjigj ajo, duke e sfiduar publikisht.
Debati ka ngjallur reagime të shumta mes publikut dhe pritet të ketë ndikim në dinamikat e ardhshme të lojës, ndërsa tensionet mes dy banorëve vazhdojnë të jenë të larta.
