Real Madrid CF do të zbresë sonte në fushë për ndeshjen e radhës në La Liga, ku do të përballet me Getafe CF në një duel që shpesh konsiderohet si një “miniderbi” i Madridit.
“Los Blancos” hyjnë në këtë sfidë me disa mungesa të rëndësishme, më e theksuara ajo e Kylian Mbappé, i cili vazhdon të jetë jashtë fushave për shkak të lëndimit.
Risia më e madhe në formacionin e publikuar është startimi nga minuta e parë i Thiago Pitarch, një lëvizje që tregon besimin e stafit teknik ndaj lojtarit të ri në një ndeshje me rëndësi për vazhdimësinë e sezonit.
Real Madridi synon të marrë tri pikë të plota për të ruajtur ritmin në garën për kreun e tabelës, ndërsa përballë do të ketë një Getafe që tradicionalisht paraqet rezistencë të fortë në duelet mes dy skuadrave nga kryeqyteti.
