Gara për Presidentin e Federatës Italiane të Futbollit po shkon drejt një skenari gjithnjë e më të qartë, ku Giovanni Malagò po konsolidon mbështetje të fortë nga elita e futbollit italian. Malagò është një nga figurat më të fuqishme të sportit italian dhe aktualisht një emër kyç në drejtimin e institucioneve sportive në Itali.
Ai ka mbi një dekadë në krye të sportit olimpik italian, duke qenë një nga njerëzit që menaxhon strategjinë sportive kombëtare, organizimin e eventeve të mëdha dhe marrëdhëniet me federatat dhe klubet.
Pas një takimi mes drejtuesve të Serie A në Milano, shumica dërrmuese e klubeve janë pozicionuar në favor të kandidaturës së tij, duke e vendosur atë në pole position për postin e presidentit.
18 nga 20 klubet e elitës italiane janë pozicionuar në favor të Malagòs ndërsa vetëm Lazio dhe Hellas Verona kanë zgjedhur të mos rreshtohen hapur, duke kërkuar fillimisht qartësi mbi aspektet rregullatore.
Mbështetja për Malagòn nuk mungon as nga klubet më të mëdha të vendit si Juventus FC dhe AC Milan, pavarësisht se më herët në diskutim kanë qenë edhe alternativa të tjera në krye të federatës.
Në të njëjtën linjë janë rreshtuar edhe figura me peshë në futbollin italian, përfshirë Beppe Marotta dhe Aurelio De Laurentiis, çka e forcon ndjeshëm pozicionin e tij në prag të vendimit final.
Zgjedhjet për kreun e ri të Federata Italiane e Futbollit pritet të zhvillohen më 22 qershor, një datë që mund të shënojë një kapitull të ri për drejtimin e futbollit në Itali.
