Xhiroja e 25-të në Superliga e Kosovës solli rezultate të forta dhe lëvizje të rëndësishme në tabelë, me Ferizajn dhe Drenicën që morën fitore jetike në objektivat e tyre sezonale.
Ferizaj dhuroi një paraqitje dominuese ndaj Prishtina, duke triumfuar me rezultat të thellë 3:0. Një fitore me peshë të madhe për ferizajasit në betejën për mbijetesë, ndërsa për “bardhekaltrit” kjo humbje thellon krizën dhe zbeh ndjeshëm shpresat për titull.
Në këtë sfidë, protagonistë për vendasit ishin Oguns, Silva dhe Berisha, të cilët vulosën një nga fitoret më bindëse të sezonit për Ferizajn.
Ndërkohë, spektakël dhe gola nuk munguan as në përballjen mes Drenica dhe Malisheva, ku vendasit triumfuan 4:2 në një ndeshje të hapur dhe plot ritëm.
Heroi i takimit ishte Igball Jashari me dy gola, ndërsa nga një gol shtuan Kreshnik Uka dhe Andi Veliqi. Për mysafirët realizuan Diatta dhe Zeka, por pa arritur të shmangin humbjen.
Kjo fitore mban gjallë shpresat e Drenicës për mbijetesë, ndërsa Malisheva bën një hap të rëndësishëm prapa në garën për një vend që siguron daljen në garat evropiane.
