Derbi i madh i javës së 34-të në Serie A ndërmjet AC Milan dhe Juventus FC ka përfunduar pa fitues, me rezultatin 0:0 në “San Siro”.
Ishte një përballje e luftuar nga të dy skuadrat, por pa konkretizim në fazën ofensive, me rastet e pastra që munguan gjatë pjesës më të madhe të takimit.
Dy futbollistët shqiptarë, Edon Zhegrova dhe Ardon Jashari, u aktivizuan në minutën e 80-të, duke sjellë energji të re në minutat e fundit.
Zhegrova u inkuadrua te Juventusi dhe pati disa depërtime të rrezikshme në krah, duke tentuar të krijojë hapësira për skuadrën e tij, ndërsa Jashari mori minuta te Milani.
Pas këtij barazimi, Milani mbetet në vendin e tretë me 67 pikë, ndërsa Juventusi renditet i katërti me 64 pikë.
