Teuta ka njoftuar zyrtarisht afrimin e sulmuesit të majtë nga Bregu i Fildishtë, Manssour Fofana, i cili pritet të forcojë repartin ofensiv të bluve.
23-vjeçari vjen me eksperiencë nga kampionati grek, ku ka luajtur për Veria NPS, PAS Giannina dhe së fundmi AO Egaleo. Fofana është i njohur për shpejtësinë, intensitetin dhe aftësinë për të krijuar rrezik në zonën kundërshtare, duke e bërë atë një përforcim të rëndësishëm për skuadrën durrsake.
Klubi ka publikuar edhe një mesazh për fansat: “Manssour Fofana është blu! Mirësevjen në Teutë!”
Sulmuesi pritet të debutojë me Teutën në ndeshjet e ardhshme të kampionatit, duke sjellë energji të re dhe kreativitet në sulm.
