Milani ka nisur menjëherë lëvizjet për trajnerin e ri pas shkarkimit të Massimiliano Allegrit dhe gjithë stafit drejtues.
Sipas raportimeve nga Italia, drejtuesit kuqezi kanë kontaktuar dy emra të njohur spanjollë për stolin e Milanit: Andoni Iraola dhe Xavi Hernandez.
Iraola, i cili bëri sezon shumë pozitiv me Bournemouthin në Premier League, konsiderohet një nga kandidatët kryesorë për të marrë drejtimin e skuadrës italiane. Raportohet se kontaktet mes palëve tashmë kanë nisur dhe negociatat janë në zhvillim.
Në listën e Milanit ndodhet edhe Xavi Hernandez, ish-trajneri i Barcelonës, i cili është pa skuadër që nga largimi nga klubi katalanas në vitin 2024.
Pronari Gerry Cardinale dhe Zlatan Ibrahimovic po udhëheqin projektin e ri sportiv të Milanit, me synimin për të rikthyer klubin në majat e futbollit europian.
