Mbrojtësi i Kombëtares së Kosovës, Mërgim Vojvoda, u vlerësua si lojtar i ndeshjes në fitoren e madhe të Como 1907 ndaj Juventus.
Skuadra e Como triumfoi me rezultatin 2:0 në transfertë ndaj “Zonjës së Vjetër”, duke marrë tri pikë shumë të rëndësishme në kuadër të Serie A.
Vojvoda zhbllokoi rezultatin me golin për 1:0 dhe gjatë gjithë ndeshjes u dallua për paraqitje të jashtëzakonshme, si në fazën defensive, ashtu edhe në mbështetje të sulmit. Ai realizoi ndërhyrje vendimtare dhe tregoi siguri të madhe në repartin e mbrojtjes, duke kontribuar drejtpërdrejt në fitoren historike të skuadrës.
Paraqitja e tij e shkëlqyer u shpërblye me çmimin e më të mirit të ndeshjes, duke konfirmuar formën e lartë që po shfaq Mërgim Vojvoda në elitën e futbollit italian.
