Trajneri i Brazili, Carlo Ancelotti, ka publikuar listën e lojtarëve për dy ndeshjet e fundit miqësore para FIFA World Cup 2026, duke shkaktuar menjëherë debat të madh në opinionin sportiv.
Emri që mungon në listë është ai i Neymar, një nga figurat më të rëndësishme të futbollit brazilian në dekadën e fundit. Vendimi i Ancelottit për ta lënë jashtë sulmuesin ka tërhequr vëmendje të madhe, pasi bëhet fjalë për testet e fundit të “Seleçaos” para turneut më të madh të futbollit.
Brazili do të zhvillojë dy miqësore të rëndësishme ndaj Franca dhe Kroacia, ndeshje që pritet të shërbejnë si prova të fundit për formacionin e mundshëm të ekipit për Botërorin.
Mungesa e Neymarit në listë lidhet edhe me faktin se sulmuesi nuk ka qenë pjesë e kombëtares për një kohë të gjatë. Hera e fundit që ai veshi fanellën e Brazilit daton më 18 tetor 2023, në humbjen 2-0 ndaj Uruguai.
Që nga ajo ndeshje, ylli brazilian nuk ka arritur të rikthehet në planet e stafit teknik, ndërsa vendimi i fundit i Ancelottit shton edhe më shumë pikëpyetje rreth rolit të tij në të ardhmen e përfaqësueses braziliane.
