Një ngjarje e rëndë ka ndodhur ditën e sotme në Zvicër ku një teleferik u rrëzua poshtë një shpati me dëborë në vendpushimin e skive Engelberg-Titlis në Zvicrën Qendrore, duke shkaktuar vdekjen e një personi.
Incidenti raportohet se ka ndodhur për pasojë të erërave të forta që goditën në lartësi prej afërsisht 2,000 metrash, ku një person që po udhëtonte me të gjeti vdekjen e menjëhershme.
Në vendngjarje mbërritën menjëherë ekipet e shpëtimit dhe një helikopter nga shërbimi ajror Rega.
Nga kontrollet e para në terren konkludoi se kabina u shkëput nga kablloja dhe u rrokullis disa herë përpara se të binte në një shkurre.
Ndërsa bëhet me dije se po vijon puna për zbardhjen e plotë të ngjarjes. Deri më tani viktima mbetet e paidentifikuar.
