Pas emocioneve të UEFA Champions League, sonte vëmendja zhvendoset te gjysmëfinalet e UEFA Europa League dhe UEFA Europa Conference League, ku do të përcaktohen skuadrat finaliste të këtij edicioni.
Në Europa League, përballja angleze mes Aston Villa dhe Nottingham Forest mbetet plotësisht e hapur. Forest ka fituar sfidën e parë 1-0, por skuadra nga Birminghami beson te përmbysja në “Villa Park”.
Gjysmëfinalja tjetër vë përballë SC Braga dhe SC Freiburg. Portugezët triumfuan 2-1 në ndeshjen e parë, megjithatë gjithçka mbetet e hapur për duelin e kthimit në Gjermani.
Në Conference League, Rayo Vallecano i mbrojtësit kosovar Ivan Balliu udhëton drejt Francës për përballjen ndaj RC Strasbourg Alsace, me avantazhin minimal 1-0 nga ndeshja e parë.
Ndërkohë, shumë pranë finales duket Crystal Palace F.C., që fitoi 3-1 ndaj FC Shakhtar Donetsk në duelin e parë, por anglezët e dinë se asgjë nuk është e garantuar në futbollin evropian.
