Ndeshja mes Metalist 1925 dhe Chernihiv, e vlefshme për gjysmëfinalen e Kupës së Ukrainës, është shtyrë për shkak të një alarmi për sulme ajrore.
Takimi ishte paraparë të zhvillohej nga ora 17:00, por u ndërpre dhe u shty për një kohë të pacaktuar, pasi në qytet u aktivizuan sirenat e alarmit. Situata e sigurisë detyroi organizatorët të marrin masa të menjëhershme për ndërprerjen e aktivitetit sportiv.
Në këtë përballje janë të përfshirë edhe dy futbollistë shqiptarë, Baton Zabërgja dhe Ermir Rashica, të cilët janë pjesë e skuadrës së Metalist 1925.
Kjo është një tjetër dëshmi e ndikimit të situatës së sigurisë në Ukrainë, ku sporti vazhdon të përballet me ndërprerje dhe sfida të vazhdueshme për shkak të rrezikut nga sulmet ajrore.
