Prishtina ka hapur një kapitull të ri, duke zyrtarizuar trajnerin e ri Alban Dragusha.
Menjëherë pas prezantimit, Dragusha ka zhvilluar takimin e parë me futbollistët dhe ka drejtuar seancën e tij të parë stërvitore, duke nisur përgatitjet për sfidat e radhës në kampionat.
Ish-futbollisti i njohur merr drejtimin e skuadrës pas largimit të Afrim Tovërlani, në një moment delikat për klubin kryeqytetas.
Në karrierën e tij si trajner, Dragusha ka drejtuar Vushtrria, ndërsa ka fituar përvojë të rëndësishme edhe si pjesë e stafit teknik te Drita, ku nga viti 2019 deri më 2022 ka shërbyer si ndihmës trajner.
