Ballkani ka vazhduar serinë pozitive në kampionat, duke marrë një tjetër fitore të rëndësishme në javën e 25-të. Skuadra nga Suhareka triumfoi 1-0 në udhëtim ndaj Prishtina e Re, në një ndeshje të luftuar ku një moment vendosi gjithçka.
Golin e vetëm dhe të fitores e realizoi Bleart Tolaj në minutën e 67-të, duke i siguruar ekipit të tij tre pikë të vlefshme në garën për titull.
Pas kësaj fitoreje, Ballkani vazhdon të mbajë kreun e tabelës me 45 pikë, aq sa ka edhe Drita, duke e bërë garën për titull edhe më të fortë në javët e mbetura.
Në anën tjetër, Prishtina e Re mbetet në fund të renditjes me 23 pikë, duke e bërë gjithnjë e më të vështirë luftën për mbijetesë.
