Carlo Ancelotti ka habitur me deklaratat e tij të fundit për fituesin e Ligës së Kampionëve, duke mos e konsideruar Arsenalin si favorit për trofeun. Trajneri italian, një nga më të suksesshmit në historinë e kësaj gare, beson se këtë sezon kupa do të përfundojë në duar të një skuadre tjetër.
Në një analizë për çerekfinalet dhe gjysmëfinalet, ai theksoi se ky edicion ka qenë i paparashikueshëm, duke nxjerrë jashtë garës disa nga emrat më të mëdhenj të futbollit europian, si Real Madridi, Barcelona dhe Manchester City.
Ancelotti ka vendosur Paris Saint-Germain në krye të listës së favoritëve, duke vlerësuar formën e skuadrës franceze, e cila ka kaluar bindshëm në fazat vendimtare. Sipas tij, ekipi i drejtuar nga Luis Enrique ka gjetur ritmin e duhur në momentin më të rëndësishëm të sezonit.
Megjithatë, trajneri italian paralajmëroi se ndeshjet e mbetura do të jenë të hapura dhe të paparashikueshme, duke theksuar se presioni i lartë dhe gabimet në mbrojtje mund të vendosin fatin e çdo përballjeje.
