Jasir Asani rikthehet te goli pas një periudhe të gjatë pa shënuar, duke realizuar dy herë për ekipin e tij në Champions League 2 të Azisë. Sulmuesi i kombëtares shqiptare gjeti rrugën e rrjetës për herë të parë që nga dita e parë e vitit 2026, duke dhënë sinjal të qartë rikthimi në formë.
Megjithatë, dy golat e Asanit nuk mjaftuan për të shmangur eliminimin. Në përballjen ndaj Al Hussein në Jordani, skuadra e tij u mposht me rezultatin 3-2, edhe pse arriti të kalonte dy herë në avantazh gjatë ndeshjes.
Si pasojë e kësaj humbjeje, Esteghlal i jep fund rrugëtimit në këtë edicion të Champions League 2 të Azisë, pavarësisht paraqitjes së mirë individuale të Asanit.
