Në prag të përballjes vendimtare ndaj Kosovës, përfaqësuesja e Turqisë ka mbajtur konferencën zyrtare për media, ku përkrah përzgjedhësit Vincenzo Montella ka folur edhe mesfushori i Inter, Hakan Çalhanoğlu.
Ylli turk ka pasur vetëm fjalë pozitive për kundërshtarin, duke theksuar lidhjen dhe respektin që ndjen ndaj kosovarëve.
“Ne jemi vëllezër musliman”, u shpreh Çalhanoglu, duke vënë në pah afërsinë mes dy popujve. Ai tregoi gjithashtu se ka njohje personale me disa nga futbollistët e Kosovës, duke përmendur Vedat Muriqi dhe Mërgim Vojvoda.
“Unë e njoh Vedatin dhe Vojvodën, kam shumë shokë shqiptarë. Di edhe disa fjalë shqip, por nuk mund t’i them këtu në konferencë…”, shtoi ai me humor.
