Chelsea ka siguruar finalen e Kupës FA pas fitores minimale 1:0 ndaj Leeds United në gjysmëfinalen e zhvilluar të dielën në “Wembley”.
Golin vendimtar për skuadrën londineze e realizoi Enzo Fernandez me kokë në pjesën e parë, duke i dhënë Chelseat biletën për në finalen e madhe, ku do të përballet me Manchester City.
Skuadra londineze u drejtua nga trajneri i përkohshëm Calum McFarlane pas largimit të Liam Rosenior, ndërsa triumfi në Kupën FA vjen në një moment jo të mirë në kampionat, pasi Chelsea po kalon një seri prej pesë humbjeve radhazi në Premier League.
Aktualisht Chelsea renditet në pozitën e tetë në kampionat, ndërsa Leeds United mban vendin e 15-të.
