Federata e Futbollit të Kosovës ka bërë të ditur se kanë dalë në shitje biletat për ndeshjen miqësore ndaj Andorrës, e cila zhvillohet më 7 qershor në stadiumin “Fadil Vokrri”.
Takimi do të nisë nga ora 20:00, ndërsa interesimi i tifozëve pritet të jetë i madh.
Sipas njoftimit të FFK-së, çmimet e biletave janë:
- Veri & Jug – 10 euro
- Lindje – 20 euro
- Perëndim – 30 euro
- VIP – 100 euro
Blerja bëhet online dhe një person mund të blejë deri në katër bileta.
Pas pagesës, bileta dërgohet në email dhe duhet të printohet në format A4. FFK ka bërë të ditur se biletat janë të personalizuara dhe secila prej tyre vlen vetëm për një person.
