Inter Milan ka arritur marrëveshje për të zgjatur kontratën e sulmuesit të ekipit U-17, Delis Gjeci.
16-vjeçari, me origjinë shqiptare dhe i lindur në Itali në vitin 2009, ka nënshkruar kontratën e tij të parë profesioniste me Interin. Ai ka realizuar 4 gola dhe ka dhënë 3 asistime në 8 paraqitje me ekipin U-17, ndërsa ka debutuar edhe me ekipin Inter Primavera si dhe në UEFA Youth League. Gjeci konsiderohet si një nga talentet më premtuese që po del nga akademia e klubit.
Ai do të jetë i lidhur me klubin deri në vitin 2028, duke përfituar pagën maksimale të lejuar për lojtarët e rinj,një sinjal i qartë i besimit që drejtuesit kanë ndaj tij pasi më herët ishte pranë largimit për t’iu bashkuar Empoli FC.
