Kim Kardashian dhe motra e saj Khloé Kardashian kanë habitur publikun me një bisedë të sinqertë rreth jetës së tyre të përditshme, duke zbuluar se cilat punë shtëpie vazhdojnë t’i bëjnë vetë, pavarësisht famës dhe pasurisë së tyre.
Gjatë një episodi të podkastit “Khloé In Wonderland”, Khloé hapi një rubrikë me pyetje të shpejta të quajtur “Kur ishte hera e fundit”, ku në qendër të vëmendjes ishte Kim dhe rutina e saj personale.
Një nga pyetjet më interesante lidhej me blerjet në dyqan. Kim pranoi se hera e fundit që kishte shkuar vetë për të bërë pazarin ishte rreth gjashtë vite më parë, ndërsa para kësaj, ajo kujton se kishte kaluar edhe më shumë kohë.
“Mbaj mend që shkova në dyqan gjashtë vjet më parë, dhe para kësaj ndoshta 12 vjet më herët. Dua të dal për një shëtitje, kështu që do të shkoj përsëri. Shkoj në qendrat tregtare gjatë gjithë kohës, më pëlqen shumë kjo,” u shpreh Kim.
Biseda vazhdoi me një tjetër pyetje që ngjalli kureshtje: kur kishte pastruar për herë të fundit me fshesë me korrent. Kim pranoi se, ndonëse i pëlqen pastrimi, nuk e kishte bërë prej kohësh.
Duke sqaruar perceptimin e publikut, ajo theksoi se familja Kardashian nuk është aspak e paaftë në punët e shtëpisë.
“Nuk jemi të paaftë, por mendoj se njerëzit mendojnë se kemi gjithmonë shërbëtorë ose dikë që punon për ne,” tha Kim, duke shtuar se realiteti shpesh është ndryshe nga ajo që shfaqet në rrjetet sociale.
Ky rrëfim ka ngjallur reagime të shumta online, me fansat që janë surprizuar nga detajet e thjeshta të jetës së përditshme të dy motrave më të famshme të showbiz-it botëror.
