Federata e Futbollit të Kosovës (FFK) ka bërë të ditur se tetë nga dhjetë klubet e Superligës janë licencuar për të marrë pjesë në garat evropiane për edicionin e ardhshëm.
Sipas njoftimit zyrtar, gjithsej 12 klube kanë aplikuar për licencim, ndërsa shumica e tyre kanë përmbushur kriteret e kërkuara nga organet përkatëse.
Klubet që kanë siguruar licencën për garat evropiane janë: FC Drita, FC Ballkani, FC Malisheva, FC Prishtina, SC Gjilani, FC Dukagjini, FC Llapi dhe FC Ferizaj.
Në konkurrencën e femrave, licencën e kanë fituar KFF Mitrovica dhe KFV Prishtina.
Ndërkohë, dy klubet që nuk kanë arritur të sigurojnë licencimin për Evropë janë FC Drenica dhe FC Prishtina e Re, duke mbetur kështu jashtë garave ndërkombëtare për sezonin e ardhshëm.
