Turneu prestigjioz i tenisit, Australian Open, këtë vit pati edhe një emër me prejardhje shqiptare në mesin e pjesëmarrësve. Bëhet fjalë për Ymerali Ibraimin, i lindur në Australi, i cili garoi në konkurrencën e dysheve në kategorinë e juniorëve.
Së bashku me partnerin e tij Cooper Kose, Ibraimi arriti një sukses të madh duke zënë vendin e dytë, pas një paraqitjeje shumë të mirë përgjatë turneut. Ky rezultat në një nga katër Grand Slam-et e tenisit botëror vlerësohet si arritje e jashtëzakonshme për moshën dhe nivelin e garës.
Tenisti 16-vjeçar me prejardhje shqiptare konsiderohet si një nga shpresat e mëdha të tenisit, me potencial për një të ardhme të ndritur në arenën ndërkombëtare. Edhe pse përfaqëson Australinë, prania e tij në një turne kaq të madh është një moment krenarie, pasi dëshmon se edhe emrat me rrënjë shqiptare po lënë gjurmë në skenën botërore të sportit.
Pjesëmarrja dhe suksesi i Ibraimit konfirmojnë se në Australian Open pati edhe një përfaqësues me origjinë shqiptare, duke e bërë këtë arritje edhe më domethënëse për komunitetin shqiptar në sport.
