Vedat Muriqi ishte protagonisti absolut në fitoren e madhe të Mallorca ndaj Real Madrid, por momenti më prekës erdhi pas golit të tij vendimtar.
Sulmuesi dardan realizoi në minutën e 91-të për fitoren 2-1, duke i dhënë skuadrës së tij tri pikë jetike në luftën për mbijetesë në La Liga.
Menjëherë pas golit, Muriqi nuk i përmbajti emocionet dhe u pa duke qarë në fushë, një moment që preku tifozët dhe u bë viral në rrjetet sociale.
Ndërkohë, bashkëlojtari i tij Johan Mojica i dha edhe më shumë peshë këtij momenti, duke iu drejtuar kamerës me fjalët: “Për Kosovë, për Kosovën!”
Fitorja ndaj Real Madridit jo vetëm që e nxjerr Mallorcan nga zona e rënies, por gjithashtu mbetet një nga momentet më emocionuese të sezonit për klubin dhe për vetë Muriqin.
