Vedat Muriqi është kthyer në heroin e Mallorca, duke i dhënë një fitore të madhe ndaj Real Madrid në sekondat e fundit të ndeshjes.
Skuadra nga “Son Moix” triumfoi me rezultat 2-1, ndërsa sulmuesi dardan realizoi golin vendimtar në minutën e 91-të, duke iu përgjigjur në mënyrën më të mirë kritikave të ditëve të fundit.
Mallorca kaloi e para në epërsi me golin e Manu Morlanes në minutën e 41-të, ndërsa madrilenët barazuan në fund me Éder Militão në minutën e 88-të.
Megjithatë, kur dukej se ndeshja po shkonte drejt barazimit, në skenë doli Muriqi, i cili në një kundërsulm të shpejtë shënoi golin e fitores, duke shpërthyer festën në stadium.
Ky ishte goli i 19-të i tij në La Liga këtë sezon, duke konfirmuar formën e tij të jashtëzakonshme.
Me këtë fitore, Mallorca shkon në 31 pikë dhe largohet nga zona e rrezikut, ndërsa Real Madrid pëson një goditje të rëndë në garën për titull, me Barcelona që mbetet në avantazh dhe me një ndeshje më pak për të zhvilluar.
