Futbollistja kosovare Erëleta Memeti po vazhdon të shkëlqejë në Bundesligën gjermane, duke konfirmuar formën e saj të lartë me Eintracht Frankfurt. Në ndeshjen e fundit ndaj Leipzigut, Memeti kontribuoi me një gol të rëndësishëm që ndihmoi ekipin e saj të marrë një pikë në barazimin 2-2.
Kapitenja e Kombëtares së Kosovës ka luajtur deri tani në 12 ndeshje këtë sezon, ku ka shënuar 3 gola dhe ka dhuruar 2 asistime, duke treguar konsistencë dhe ndikim të madh në lojën e skuadrës së saj.
Me këtë formë, Memeti po afirmohet si një nga futbollistet më të rëndësishme të Bundesligës dhe një simbol i futbollit kosovar në arenën ndërkombëtare.
