Florent Hadergjonaj po vazhdon të shkëlqejë në futbollin turk, duke konfirmuar formën e tij të lartë me një tjetër paraqitje vendimtare për Alanyaspor.
Mbrojtësi kosovar realizoi një supergol në minutën e 26-të ndaj Kocaelispor, pas një goditjeje të fuqishme nga distanca që përfundoi në rrjetë, duke i dhënë epërsinë skuadrës së tij.
Vetëm pesë minuta më vonë, 31-vjeçari kontribuoi sërish, kësaj radhe me një asist të saktë që çoi në golin e dytë të Alanyasporit, duke kompletuar një pjesë të parë të jashtëzakonshme personale.
Me këtë paraqitje, Hadergjonaj vazhdon të jetë një nga lojtarët më të rëndësishëm të ekipit, teksa statistikat e tij këtë sezon janë mbresëlënëse: shtatë gola dhe pesë asistime në të gjitha garat.
