Copa del Rey ka hyrë në fazën më vendimtare të saj, pasi është hedhur shorti për çerekfinalet, duke sjellë përballje mjaft interesante dhe me rivalitet të lartë.
Barcelona do të përballet me Albaceten, skuadrën që shkaktoi surprizën më të madhe të këtij edicioni duke eliminuar Real Madridin. Takimi pritet me interes të madh, pasi do të jetë hera e parë që këto dy ekipe ndeshen ndonjëherë mes tyre në kuadër të Copa del Rey.
Përveç kësaj sfide, shorti ka rezervuar edhe duele të tjera të forta:
Alaves – Real Sociedad
Valencia – Athletic Bilbao
Real Betis – Atletico Madrid
Sipas njoftimit të Federatës Spanjolle të Futbollit (RFEF), ndeshjet e çerekfinaleve do të zhvillohen më 3, 4 dhe 5 shkurt, ndërsa oraret zyrtare do të bëhen të ditura në ditët në vijim.
Barcelona synon të vazhdojë rrugëtimin drejt trofeut, por përballja me Albaceten pritet të jetë delikate, duke marrë parasysh formën dhe besimin që ka fituar skuadra pas eliminimit befasues të “Los Blancos”.
