Klubi i Llapit po përgatit një lëvizje të bujshme në këtë afat kalimtar. Sipas raportimeve të Sportmania, Fiton Ademi pritet të jetë përforcimi më i madh i skuadrës nga Podujeva dhe “bomba” e merkatos së verës.
Burime pranë klubit bëjnë të ditur se bisedimet janë në fazë të avancuar dhe se marrëveshja pritet të konkretizohet së shpejti, duke e afruar sulmuesin te Llapi për sezonin e ri.
Ademi shihet si një përforcim i rëndësishëm për repartin ofensiv, ndërsa drejtuesit e klubit synojnë të rrisin konkurrencën dhe ambiciet e skuadrës për objektivat e sezonit të ardhshëm.
Nëse transferimi zyrtarizohet, Fiton Ademi do të përfaqësonte një nga afrimet më të bujshme të Llapit në vitet e fundit, duke konfirmuar synimet e klubit për të qenë protagonist në Superligë.
Situata pritet të marrë epilog në ditët në vijim.
