Një rekord historik u shënua në Ligën e Kampionëve për të Rinj, teksa plot 50,000 tifozë mbushën RheinEnergieStadion për përballjen mes Cologne U19 dhe Inter U19. Ndeshja, e vlefshme për fazën e 1/16 së finales, u zhvillua në një atmosferë të jashtëzakonshme, me të gjitha biletat e shitura më shumë se një javë përpara zhvillimit të takimit.
Pavarësisht mbështetjes masive nga tribunat, skuadra gjermane, kampione në fuqi e Bundesligës për këtë grupmoshë, u mposht me rezultat 3:1 nga Interi.
Me këtë shifër, u thye rekordi i mëparshëm i pjesëmarrjes në Ligën e Kampionëve për të Rinj, i vendosur në prill të vitit 2025, kur 40,368 spektatorë kishin ndjekur ndeshjen mes Interit dhe Trabzonsporit.
RheinEnergieStadion renditet si stadiumi i shtatë më i madh ndër klubet aktuale të Bundesligës dhe i 12-ti në rang kombëtar në Gjermani.Ndërkohë, Cologne mbetet një nga klubet më të mbështetura në vend, me rreth 155,000 anëtarë të regjistruar.
Në nivelin e ekipit të parë, Cologne renditet aktualisht në vendin e 10-të në Bundesligë, ndërsa skuadra U19 kryeson grupin e saj dhe synon fitimin e titullit të tretë kampion në Gjermani, duke konfirmuar potencialin e madh të akademisë së klubit.
