Klubi i Egnatias humbet një nga figurat kryesore të skuadrës, teksa Edison Ndreca pranon një ofertë të rëndësishme nga Kazakistani, duke nisur kështu një kapitull të ri në karrierën e tij.
Sfida ndaj Elbasanit ishte e fundit për 31-vjeçarin me fanellën e Egnatias. Pas përfundimit të takimit, klubi konfirmoi zyrtarisht largimin e Ndrecës, duke mbyllur një cikël shumë të suksesshëm. Që nga verës së vitit 2023, Ndreca u bë pjesë e Egnatias pas transferimit nga Kukësi, duke kontribuar në arritjen e sukseseve të shumta dhe duke fituar trofe të rëndësishëm me klubin.
Ky është hapi i parë i Ndrecës jashtë futbollit shqiptar, një sfidë e re që do t’i hapë mundësi për të treguar aftësitë e tij në një kampionat ndërkombëtar. Për skuadrën rrogozhinase, largimi i Ndrecës shënon fundin e një kapitulli të rëndësishëm në historinë e fundit të klubit.
Ndreca largohet si një prej shtyllave më të forta të Egnatias, duke lënë pas një trashëgimi të vlerësuar nga tifozët dhe stafi i klubit.
