Lamine Yamal vazhdon të jetë në qendër të vëmendjes jo vetëm për paraqitjet në fushë, por edhe për stilin luksoz jashtë saj. Ylli i ri i Barcelonës ka tërhequr kamerat para “El Clásicos”, duke u shfaqur me një kombinim ekskluziv veshjesh dhe aksesorësh që sipas mediave spanjolle kap vlerën e afro 76 mijë dollarëve.
Pamja e Yamal përfshinte veshje nga Stone Island, atlete nga Louis Vuitton, çantë luksoze Hermès dhe një orë të shtrenjtë Rolex Daytona Rose Gold.
Sipas raportimeve:
- Xhaketa kushton rreth 1,575 dollarë
- Pantallonat 650 dollarë
- Atletet Louis Vuitton 1,330 dollarë
- Çanta Hermès mbi 10 mijë dollarë
- Ndërsa ora Rolex arrin vlerën e afro 62 mijë dollarëve
Në total, “outfit-i” i talentit të Barcelonës kap shifrën prej 75,975 dollarësh.
Artikulli ndalet edhe te paga e sulmuesit spanjoll, që sipas përllogaritjeve arrin rreth 3.5 milionë dollarë në vit. Kjo do të thotë se Yamalit i nevojiten vetëm rreth shtatë ditë e gjysmë pune për të mbuluar vlerën e kësaj paraqitjeje luksoze.
Në moshën vetëm 18-vjeçare, Lamine Yamal po konsiderohet jo vetëm si një nga talentet më të mëdha të futbollit europian, por edhe si një ikonë e re e stilit urban dhe modës luksoze.
